أقلام الكحل الملونه..

[الصقرالحنون]

مرحبا ||

اقلام الكحل الملونه ،،



،’

الاقلام الملونه لها تاثير حلو على العين وتعطي جمال جذاب
ما اظن انه في احد مايحبها ،، او ماسبق له استخدامها ،،

والعكس صحيح طبعا ،، البعض يستخدمها بطريقه مشوهه للعين وللمكياج كـ كُل ،،
يا اما انهم يستخدمونها في رسمات حاده او مهزوزه ،، او الوان غير متناسقه مع الميك اب !

بالتالي لو استخدمناها صح وبـ ذوق راح نحصل على نتائج حلوه

استخداماتها :

- خارج العين | لتحديد منابت الرموش |
وافضّل دائما اننا نموه الخط المرسوم بالآي شدو

- لرسم العين من الاعلى
في هالنقطه ممكن نستخدم الاي شدو عليه وممكن نستغني عنه

- لتحديد العين من الداخل
بدووون آي شدو طبعا <~ ولو انه مايحتاج ذكاء طبعا بس خفت احد يسويها وابتلش لووووول

،’

شوفو معاي هالصور :

|المجموعه الاولى|

اول سطر الصوره عاليمين مستخدمين لون بنفسجي يجنن ،، مع الاسود داخل العين
بتقولون لي ممكن نطبق هاللوك باستخدام الاي شدو فقط ،، بقول لكم صح ممكن
لكم شايفين المنابت الخارجيه للرموش كيف ملياانه باللون البنفسجي وكيف التحديد حول العين وآضح !
لو استخدمنا القلم بنفس لون الاي شدو بيعطينا نفس هالنتيجه بالضبط

عشان كذآ لازم تنتبهون استخداماتها مش اساسيه مع الميك اب
ولكن نتايجها غير ومن تجربه ،، سواء مع ميك اب ثقيل مثل الصوره او خفيف مجرد لون داخل العين

الصوره على اليسار في السطر الاول مستخدمين الاسود داخل العين والبرونزي خارج العين من تحت
اما من فوق شكلهم مستخدمين اي لاينر سائل


السطر الثاني يمين مستخدمين الابيض داخي العين + الاسو على المنابت السفليه
الصوره على اليسار حاطين البنفسجي داخل العين

السطر الثالث يمين مستخدمين التفاحي داخل العين
والصوره على اليسار مستخدمين اللون الاخضر برضو داخل العين

|المجموعه الثانيه|

السطر الاول على اليمين مستخدمين الاسود داخل العين والبنفسجي خارج العين
مع تمويهه بـ الآي شدو
على اليسار الاسدو داخل العين والاخضر خارج العين ،، وبهالطريقه بنظري يعتبر تشويه ابدا مو حلو :/

السطر الثاني على اليمين البنفسجي داخل العين
وعلى اليسار مستخدمين اللون التركواز داخل العين ،، ولو ملاحظين الاصفر اللي من تحت هذا آي شدو
لاحظو كيف الفرق بين اذا كان اي شدو او قلم !

السطر الثالث يمين مستخدمين الازرق الفاتح على الجفن اللي فوق والبنفسجي تحت العين
والابيض داخل العين ،، جدا بشع بلييز لحد يسويه :/
اما الصوره على اليسار مستخدمين فيها الاخضر داخل العين

* طبعا الصور هذي منها الحلو ومنها العادي ومنها البشع ،،
لازم نتعلم نستخدمها بتناسق وبـ ذوق

خلونا نشوف تطبيقات لها مع ميك اب كامل ||

هالصوره مستخدمين فيها بنفسجي روووعه
وشكله داخل العين اسود لانه غآمق مره

التفاحي خارج العين ،، ومركزين عالزاويه الداخليه

برضو البنفسجي ،، وترى له درجات كثييير
اذا كان من ماك بس عندهم اكثر من درجه فكيف لو من ماركات مختلفه !

الفاتح داخل العين مع برونز خفيف من الخارج
وعلى فكره الفاتح اقصد فيه اي درجه من الدرجات الفاتحه سواء كان ابيض او بيج او بنك ...

[الصقرالحنون]

برضو الفاتح داخل العين + الاخضر الزيتي خارج العين من الاعلى
دامجينه مع الاي شدو وساحبينه للخارج ،، حبيته

برونز + الاسود داخل العين ،،
وهاللون بالذات يجنن ،،

بنفسجي من الخارج + الفاتح داخل العين

لون فاتح داخل العين ،،

الاسود على الجفن الاعلى ،،
انا استخدم معاه اعواد القطن المبلله بمزيل المكياج عشان يعطيني رسم دقيق ونظيف

تركواز داخل العين

هنا العكس تركواز خارج العين
وكأنهم مستخدمين آي شدو تفاحي عالجفن العلوي !

الفاتح من الداخل + منابت الرموش كلها محددينها بالاسود

اممم ماعرفت صراحه هو كحلي ولا زيتي غامق !

،’

الحين دور اقلامي هم اكثر من كذآ بس انا صورت المهم
لان الباقي الوان مكرره او بني او اسود

ابدأ بهالقلمين من برجواز ،، هالماركه اقلامها ممتازه
والوانها حلوه
في الصوره .. بنفسجي + تركواز

[الصقرالحنون]

تفاحي برضو من برجواز + اخضر زيتي من بيجون(من عند زهور الريف)
الثاني حلو بس مو وااو وعموما استخدمه لخارج العين وادمجه مع الاي شدو

كحلي يجنن من ماك ،،
اما الثاني فهو بنك فاتح من بينفيت لـ داخل العين ،، حلو وبالنسبه لي احلى من الابيض داخل العين

من ميك اب فورايفر بنك غامق + بيج (ركزو بيج مش ذهبي)
وهو نفس اللي مستخدمته فيكتوريا بيكهام في الصوره رقم 12

هذا البرونزي اللي اقولكم عليه من ماك روووووعه
هذا برضو من المفضلين عندي
والثاني بنفسجي من انجلوت حلوه درجته

برضو درجتين من البنفسجي من ماك <~
اللي عاليمين هذي حللوه تعجبني ولو ملاحظين دايما تعجبني الدرجات الغامقه اللي يادوب يبين فيها انعكاس اللون
احسها مميزه عالعين
اما الثاني بنفسجي على بني شوي او على احمر ،،

،’

واخيراً لكل شخص لمساته وذوقه
ولازم نطوّر من انفسنا ونركز على اللي يلبق لنا
ونترك اللي دارج وموضه وبدال مايزيدنا ينقصّنا للاسف


معلومه مهمه عن الكحل :

لكل ماركه قوام وَ مسمى خاص بهم ,,

عندك الكاحل وَ عندك الكحل الكريمي وَ عندك الآي بنسل, وَ الآي لاينر بنسل الجاف
وَ عندك الكحل = Kohol ,, طبعاً هي مسميات كثيره

لما تشوفينها تعتقدين أنها وحده , وَ لكن تختلف بالقوام وَ المحتوى وطريقة الإستخدام
البعض غير صالح للأستخدام داخل العين بسبب كثرة الكربون

وَ آيضاً البعض نسبة الدهون به عاليه بالتالي يسيح الكحل من العين
فبتلقين بنات يقولون لك : نبي كحل مايسيل ,, آختاري قوامه آقل دُهنيه وَ راح يظل

أو يكون شبه شمعي وَ لو آني ماآفضله
وَ لكن إستخدامه بالآساس كبيس للظلال , مايستخدم إلا مع ظل
بدون ظل راح يظل يبقع

بالنسبه لأقلام برجواز آلوانهم حلوه وَ لكن ثباتهم لك عليه
آما ماك , آيضاً عنده عدة آنواع وَ آلوانه بها سحر وَ غرابه
كريولاين هو الآفضل من حيث الثبات , وَ لكن كثير من درجات آلوانهم غير باهره
وَ تحتاج فنان لآجل يظهر اللون بطريقه حلوه

ميك آب فور إيفر بالنسبه لي إز ذا بست , تتميز بتعدد الألوان وَ الثبات وَ الجوده
بالمنتصف , وَ بالنهايه لكل براند شيء يميزه عن غيره

وَ كل إنسانه لها هدف معين لشراء برودكت , تحوره بالطريقه المناسبه



اتمنى اكون قدمت شي جديد ومفيد
رااااااقني جدا وافادني كتير
واتمنى يفيدكم