سؤال لطلاب الجامعات والمعاهد

[لولو الصغيرة]

السلام عليكم ورحمة الله وبركاته

سؤال اثار فضولي واحببت ان اجد له جوابا مقنعا عندكم اخوتي

هل نحن ندرس ما نحب؟؟؟؟؟؟

و ان كنا لا نفعل, فما الذي يدفعنا للدراسة في تخصص لا تميل اليه قلوبنا او تتعلق به امكانياتنا الذهنية كل حسب امكانياته بحيث يبدع كل في ما يدرس

و عليه فمن فضلكم اجيبوني

ما هو تخصصك الجامعي وما سبب اختيارك له بكل شفافية

و هل للمستقبل الوظيفي تاثير كبير على اختيارك


و بارك الله فيكم
وكل عام وأنت بألف خير

[حسن حاضري]

بصراحة انا اختصاصي الجامعي هو ليسانس شريعة وهيدا كان عن رغبة مني وانا ما اطلعت على المستقبل منه لاني الهدف منه هو العلم زالافادة للغير
ولدي اختصاص تاني هو معهد ادارة اعمااااااااااال وايضا مااطلعت منه لاي شيء لانه في هيدا الزمن ما في احد عم بينحط بمكانو الصحيح الا ما ندر
مشكورة لولو

[nano]

انا عم ادرس ادب عربي ودخلت الفرع عن رغبة فيه لانو كتير بحب دراسة العربي انا واعوذبالله من كلمة انا.. بالسنة الاخيرة وبحس انو ناقصني كتير لسا لاتعلمومن العربي وعلى قولة الشاعر انا البحرفي احشائه الدر كامن ... وبالنسبة للشغل ولله الحمد انسات العربي كتير مطلوبيين بدكون تسجلوا من الصيف ههههه

[ابو عمر]

وعليكم السلام ورحمة الله وبركاته ..

دخلت ودرست في قسم اللغة العربية وعن رغبة شديدة بذلك ..

في السنة الثانية .. أدركت بأن الطريق طويل بالنسبة لي ..

يعني خلينا نحسبها متل ما حسبتها أنا ..

العمر 19 سنة = دخول الجامعة ...

ازا كل سنة بسنتها = 4 سنوات
( طبعا ما بدنا نكمل لا دبلوم ولا ماجستير ولا دكتوراه .. جماعة قنوعين نحنا )

ولسا خدمة الجيش ( على دورنا سنتين ونص )

يعني عمليا صار عمرو الواحد 25 - 26 سنة وعلى قولة المثل
( ايد من ورا وايد من قدام )
هاي ازا مو مكسوور ..

وهات ليتوظف و يظبلو قرشين .. مشان الجازة ..
( طبعا ازا في بيت )

وإلحق ازا فيك تلحق ...

يعني طلع المشوار طويل .. فقررت مرغما أن أختار الطريق الآخر
وهو العمل

بالنهاية .. الحياة ماشية
وما بتستنى حدا ..

وكل واحد عقلو براسو بيعرف خلاصو ..

ولا ... لأ ..!؟