شباب تعو لعندي بعد إذنكن

[دمعة فرح]

بسم الله الرحمن الرحيم ...

بعيدااا عن المشاكل والقضايا الهامة في المجتمع .. خلينا ناخد فاصل صغير وبعدين بنرجعلها مشان تريحو نفسكن شوي ..

اليوم بدي ناقشن بمقولة " اقصر طريق الى قلب الرجل معدته "
هاد الكلام صحيح فعلا ؟؟ وانتو بتعرفو يعني مو كل البنات بيعرفو يطبخو .. وبأول الزواج بيخبصو كتير واحتمال
ما يطلع إلن نفس بالأكل وأكلن مو طيب !! اي بتصير ليش لأ

بس أنو صحيح البنت يلي مابتعرف تطبخ " لا تصلح تكون زوجة ؟! "
طيب ممكن يأدي هالشي الى انفصال لا سامح الله .. او الى سلسة من المشاكل اليومية ؟؟

بدي اعرف الى أي مدى يكون إهتمامكن بهاد الموضوع حصرا !!

مع تحيات وفضول دمعة فرح

[الصقرالحنون]

لا انا كل هل حكي مااقتنع في

المعدة اقصر طريق لقلب الرجل لا ابداً هذا رايي

المهم.......اكيد البنت اول زواجها طبخها بيكون عادي وين المشكلة

الأكل اخر شي بفكر في وكلشي طيب اذا الانسان بصحة

ومرتاح نفسيا اهم شي التفاهم والوفاق

مشكوورة رقية

[عاشق الوطنية]

بس أنو صحيح البنت يلي مابتعرف تطبخ " لا تصلح تكون زوجة ؟! "

لاء اكيد بتصلح للزواج مية المية بس كمان مو غلط البنت تتعلم الطبخ قبل ما تتزوج لأن الطبخ رح يضل واجب اساسي عليها لأخر عمرها

طيب ممكن يأدي هالشي الى انفصال لا سامح الله .. او الى سلسة من المشاكل اليومية ؟؟

والله هي بضل على حسب الزوج ونوعية تفكيرو

فمثلاً اذا كان متفهم رح يضبر لبين ما تتعلم ويعمل حالو حقل تجارب لمرتو
وفي ازواج يعني عصبيين وما بيتحملو لذالك هدول رح يختلقو المشاكل معى العلم بأنهم بيعرفو انو الزوجة مو قصدها ما تتطبخ

ومشكورة دموعة

[Ihab Mardoud]

في منو من الصحة
الرجل بيحب الأكل الطيب بالعموم
وبيعجب بالبنت الي بتعرف تطبخ
بس أكيد مانو شرط اساسي للارتباط إلا ازا كان هالرجل هاد همو بطنو وبس
وبالأخير كل البنات بعد ما يتجوزو شي سنة زمان بيزبط وضعن بالطبخ
ولازم يكون الرجل متفهم من ناحية إنو رح تخبص كتير بالطبخ أول ما تتعلم تطبخ
بالنسبة عني بتمنى تكون الي بدي ارتبط فيا متعلمة هالشي ببيت أهلا وبرأيي أي أم لازم تعلم بنتا مشان تكون زوجة ناجحة بالمستقبل
بس أكيد مانو شرط اساسي
وانا رح اقلا لزوجتي مسموحلك تخبصي وتلوصي بالأكل لمدة سنة
بعدا مافي مجال للمسامحة
تحياتي