الـســلام عليكـم ورحمة الله وبركــاتــه
كـثيراً مانسمع عن التنمية والتطوير الأقتصادي والتعليمي
والسياسي والأعــلامي
وايضاً التطوير الأجتماعي
اصبحنا نسمع كثيراً كلمة تطوير
وعندما تسأل وتبحث تجد ان من وراء هذا التطوير
وفد اجنبي امريكي - بريطاني - روسي - ياباني - فرنسي - صيني
قد يكون المجال الوحيد هو الطب الذي نحرز فيه تقدم دون مساعدة خارجية
لماذا دائماً نستعين بقوة خارجية للمساعدة في بناء وتطوير المجتمع .؟؟
على جميع المستويات : السياسي - الأقتصادي - العسكري - التقني - الإجتماعي
اين ذهـبت عقول الشباب والشابات
اين ذهبت افكار المفكرين والعلماء
هل اصبحنا لا نثق الا بالأجنبي ..!!؟؟
بإنـتــظـــار مداخلاتـكــم
لاء طبعا نحنا عنا عقول رائعة جدااا ... بس بالمقابل بلادنا عم تعاني من هجرة الأدمغة
يعني يلي بيكون عنده امكانيات و طموح بتلاقيه غالبا بيسافر على أحد البلدان المتقدمة
و السبب أنه غالبا ماعم يكون في مناخ داعم و محفَز للإبداع و تطوير القدرات و المهارات ببلادنا ....
و طبعا غالبا لما بيروح على شي بلد ... ما رح يرجع لبلده
لأنه الفرص و التسهيلات يلي بتتوفر برا ... ما بتتوفر هون للأسف
الشي التاني و المهم ...
غالبا بنلاحظ بالدول العربية بشكل عام مو بس بسوريا ... أنه الرواتب يلي بيتم دفعها للخبراء الأجانب
أعلى بكتير من الرواتب يلي بيتم دفعها للخبراء العرب
( حتى و لو كانوا بيمتلكوا المؤهلات العالية جدااا و يلي بتتشابه مع مؤهلات نظراءهم الأجانب )
و بصراحة أنا فعلا بحس أنه في ثقة بالأجنبي و قدراته و مواهبه أكتر من العربي ...
و هاد سبب أساسي من الأسباب يلي بتخلي العربي يبقى برا و ما يرجع لبلده
لأنه بينصدم أنه ما عم يحصل على فرص موائمة ... و ما في تقدير لكل المؤهلات و القدرات يلي بيمتلكها
أنا بعرف شخص موهوب ... درس بإحدى الدول الغربية ... و أثناء دراسته اشتغل كمان ...
و بالتالي جرب الدراسة و الشغل هنيك
لما رجع لهون .... انصدم فعلا ... كان طول الوقت يخبرنا أنه ندمان ع الرجعة .... ما اتوقع الوضع هيك رح يكون أبدا
اتوقع أنه راجع يلاقي كل الفرص و التسهيلات عم تتقدمله على طبق من فضة ...
خاصة أنه راجع بشهادة دكتوراه و بخبرة عمل ممتازة
بس الواقع كان مختلف ... الفرص كانت كتير عادية .... مقارنة بالفرص المميزة يلي اتقدمتله بالبلد يلي كان فيه
بس هو رجع كرمال أهله .... و كرمال أنه يستقر ببلده ... و ما بده اولاده يتربوا برا
بس فعلا ... ما بعتقد أنه لقى التقدير يلي بيستحقه أبدا
و طبعا بالنهاية ما لازم ننسى نذكر أنه في شباب عندهم قدرات رهيبة ...
بس ما عم يعرفوا يوظفوها و يستغلوها صح
يعني عم يضيعوا حياتهم بشغلات فاضية ...
على الرغم من أنه ممكن يحققوا شي كبير لو وظفوا امكانياتهم صح
آسفة ع الإطالة ... بس موضوعك رائع و مهم و واقعي جدا
ألف شكررر ع الطرح المميز
سناء كفت ووفت لأنو فعلا الادمغة هاجرت وعم تشتغل برا بلادها لأنو فيه فرص عمل اكتر ورواتب تكفيهن
وحتى لو اشتغل ببلدو بنفس الافكار مرح ياخد حق تعبو متل مرح ياخدو بالخارج
ورح نظل نعاني من هي المشكلة .. بس مين السبب ؟؟
شكرا على الموضوع المهم ابو عمر
تحياتي الك
««صديقة الدرب»»
لو توفرت إلن البيئة المناسبة تطوير الابتكارات ماكانت هناك هجرة عقول
السبب يعود لنا نحن ... واصبح مجتمعنا العربي مجتمع اتكالي يعتمد عالغرب ..
شكرا لك عالطرح الرائع اخي ابو عمر
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)