اذا انكسرت كاسة يقال: انكسر الشر
*
* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)
* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
* مراششة الميه فراق (ما بصير حدا يرش رفيقو بالمي لان بعدين بيتفرقوا )
* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين
* اذا اجت الكندرة فوق الكندرة يعني رايحين مشوار
* اذا زحف الولد او زقزقت العصافير معناها جاينا ضيوف
*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل
* اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا
* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مو منيح
* اذا حكني حاجبي معناها بدنا نستقبل حدا جاي من السفر
* و ما بصير الحمام بالليل
*و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن
)
*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )
وما بيصير نفتح ونسكر المقص كتير كمان بيعمل خناق
*وإذا عمل العصفور تحتو على الأواعي يعني جاييكون رزقة
*و دلق القهوة رزقة
*و شرب المي بعد القهوة قلة زوء
*إذا حكني كفي اليمين معناها بدي أقبض مصاري
*و إذا حكني كفي اليسار معناها بدي أدفع مصاري
*و اذا الولد الصغير كتير ابن الشهور عم يضحك لحالو
بيقولو الملايكة بتكون عم تحاكيه
*و كمان في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً
*و
كمان يلي حامل بصبي بتتباشع
*و ببنت بتحلا
*
و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة
هدا دليل على انو هالشخص ناقص
*
واذا عندك ضيف اتقيل دم وبدك يروح من عندك على السريع شك دبووس او
عدة دبابيس بأيد المقشة او اقرأ سورة الزلزلة
*والي بعد النجوم بيطلعلو تالولات بايدو
*وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب )
...__وَأَن لَّيْسَ لِلْإِنسَانِ إِلَّا مَا سَعَى , وَأَنَّ سَعْيَهُ سَوْفَ يُرَى , ثُمَّ يُجْزَاهُ الْجَزَاء الْأَوْفَى__...
موضوع حلو اخي الهكر
اذا بتسمحلي اضيف عليه
-إذا اجتمع بمكان واحد تلت (ثلاث) أشخاص اسمن واحد بطلع على وجّن كنز
-إذا ارتعبت الأم بينقطع حليبا
-إذا اشترى حدا مكنسة نهار نص شعبان ما بصير يدخلا من باب السقاق ( باب البيت ) لازم يقلبا من عالسطوح حتى ما يكنّس رزقو
-إذا انفطم الولد في المربعينية بسحل صرمو (هههههههه) -اسف في مصطلحات مارح يفهمها غير الحلبية بسبب اللهحة-
-إذا تأخر حدا عن ميعاد جيته وردنا يجي أوام لازم ننكّس المكنسة في البيت ونشكشكا بالدبابيس وهي منكّسة ونقول ونحنه عم نشكشكا : تحتك عود وفوقك عود ما يجيك صبر ولا قعود ، إن كنت بارك يقوموك وإن كنت ماشي يركضو
-إذا درنا السجادة من طرف لطرف بتتيسر الجازة
إذا راحت العروس لعرس غيرا ما بعود بجيّا أولاد
- إذا ردت تعطي الصابونة لازم تحطّا على ضهر كفك حتى ما يصير بينك وبين اللي عطيتو ياها زعل
-إذا شعلت سيكارة من زيق (طرف ) واحد والزيق الثاني ما شعلت بكون –والله أعلم –عاشق ومديون
-إذا شقّيت على (زرت) مرضان يوم التلاتا (الثلاثاء) بموت المرضان
- إذا صبينا مي غيلية لازم نزمزق ( يعني نبوس الجن ) وبعدا نصيح دستور يا حاضرين
-إذا ضربت الأرض بعصايتك بتتكسر روس الجان
-إذا طار من لقن العجين شقفة عجين بكون بدو ياكل من خبزو خطّار (ضيوف)
-إذا هزّينا سرير الطفل وما كان هوه فيه بوجعو ضهرو
- البنت اللي بتكنس وما بتنظف بجيّا جوز أقرع
-اللي بتفشكل وهوه ماشي بكون عليه ندر ما وفّاه
- اللي بطلع لو في الأكل درويش كبّه فاضي بكون بدو يتجوز –إن كان شاب – وبكون بدو يحج –إن كان ختيار
-اللي بيحش جبنه كتير بنقرع
بالنهاية هي مو اكتر من اعتقادات اقرب للخرافات كان يؤمن بها الحلبية الى وقت قريب
ولازال البعض عندو ايمان ببعضها توارثه من الجدات والاجداد
مشكور الهكر مرة تانية
ضحكتُ فقالوا : ألا تحتشم----بكيتُ فقالوا: ألا تبتســـم
بسـمتُ فقالوا : يرائي بـها----عبستُ فقالوا: بدا ما كتم
صمتُ فقالوا: كليل اللسـان----نطقتُ فقالوا : كثير الكلم
فأيــقنتُ أنـي مهـمــــا أُرد----رضى الناس لابدَ أن أُذم
««صديقة الدرب»»
تعرفو اول مرة اعرف مصطلحااات حلبية
في بعض المصلحات بعرفها
بس الحمد الله مابأمن فيا ولا باخود بهالكلام
يعطيكن العافية
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
![]()
للاستفسار او مساعدة راسلوني على هاد الايميل
[email protected]
هههههههههههه
مشكووور كتير الهكر على المصطلحات ..
الذين يشاهدون الموضوع الآن: 2 (0 من الأعضاء و 2 زائر)
مواقع النشر (المفضلة)