طبق شوالأخبار ... فطر مع لحم الدجاج ... من تحت ديات أم عزات وأم عزو

[شوالأخبار]

صباح الخير يا أحباب قلبي .... ويا سعادة الدنيا وقت بينسر واحدكم من أكلي

اليوم متل ما بتعرفوا الجمعة ويوم الجمعة ما منفضى إلا وقت الصلاة شوي

وهلاء راحوا الرجال على الصلاة وأنا رايحة اخطف رجلي لعند أختي أم عزو


الله ييسر للرجال ويتقبل منهم .... وهي رايحة لعند أم عزو لأن كمان

زوزها طلع سمعت ترست بابهم





أم عزات: مرحبا أختي أم عزو


أم عزو: لك يا مية السلامة اهلين بأم عزات الحلوة شلونك خيت

أم عزات: أيه أختي عطيني الطريقة بسرعة تقبري لروح ساويها بالبيت ولا تخافي
حقك الفني محفوظ بقول من أختكم أم عزو
أم عزو: لك أشبك بصلتك محروقة ومستعجلة ولي عليكي ابركي نحكي شوي والله اشتقتلك , ولا قلك حقك خيت
هلق جوزي أبو عزو بيجي وبيعزي راسي لهلق مو عرفانة اش اعملوا ع الفطور والله شي بيحير قليلي

شوفي خيتو أم عزات، من كم يوم طبخت فطر مع لحم الدجاج ، والله طلعت أكلة فخامة

أنا بستخدم الفطر الطازج، بس اذا ما توفر ممكن المعلب وبالنسبة للحم الدجاج ،
يفضل الصدر، يتقطع وهو مجمد فليفية حمرة ( طازجة ) وكمان يا خيتو
بصل مقطع بشكل خشن وشو كمان يا أم عزو ؟؟؟؟ شو كمان ؟؟؟ ثوم مفروم
وبشوية زيت أختي أم عزات والنار عالية جداً بتقلي كل شي عندك الخليط عشرة دقائق،
وبتحطيلهم يا خيت بقى الماء والملح ، البهار ، الكاري
وبعدين بتنوصي الغاز كتير وبتخليهم عالنار شي 40 _ 50 دقيقة.
وبتطبخي جنبها رز وإن شاء الله صحة وهنا








.................................................. .................................................. ......... فطر مع لحم الدجاج




المقادير:

الفطر الطازج
للحم الدجاج (الصدر)
فليفية حمرة ( طازجة )
بصل مقطع بشكل خشن
ثوم مفروم
الزيت
وملح ، بهار ، كاري





طريقة التحضير :


تؤخذ المقادير كاملة بعد تنظيفها و تقطيعها و بقليل من الزيت وعلى نار عالية جداً يتم تقلية الخليط لمدة عشرة
دقائق، ثم يضاف إليه ماء وملح ، بهار ، كاري ويطبخ على ناء خفيفة لمدة 40 _ 50 دقيقة.
وتقدم بالاضافة إلى الرز

[Sanaa]

شكلها ظريفة كتيييير ... خاصة أنه فيها فطر


يعطيك العااافية

[شوالأخبار]

هلا ولو واجبنا

[السكون]

لذيذة جدااااااااا


دمت بخير