اتركيه من ايدك

[ماهرالفيزو]

اتركيهِ من إيديكِ إتركيهِ
لك حلي عنو بقى هلكتيهِ
واتطلعي فيني العمى بقلبك
صرلك ساعة عم بتكبسي فيهِ
إي شو هو أهم مني لحتى
كل وقتك واهتمامك تعطيهِ
لسا كل مارن بتنطي من أربعتك
وبنشوة عارمة بتفتحيهِ
نفسي أعرف قبل مايصل لعنا
شلون عشتي بلا ما تحمليهِ
اللي بيشوفك هيك بيقول حتماً
بتعبديهِ بعد الله بتعبديهِ
يخرب بيتك انشالله وبيت بيتك
ماكنتي تعرفي تشحنيهِ
إذا مابتضبيه بشنتايتك هلأ
بدي كسر المطعم باللي فيهِ
إلهي لموبايلك يبعتله حمى
بإشارته.. ولحسُّه تخفيهِ
وتجي لتشعليه يقلك erorr
وسوفت وير العالم مايشفيهِ
خلص لاتبكي أمري لأ الله
طالعيه من الشنتة واحمليهِ
بس مشان محمد ركزي معي
عم غار منو بس تحضنيهِ
قلك على شغلة أنا قايم أمشي
وإنت خليكي مع اللي بتعشقيهِ
أنا ماشي ورح أدعي من قلبي
روحي إلهي ربي تعدميهِ
بس أوعك تعزميني على عرسك
حاكم مو بعيدة تتجوزيهِ

[nano]

هههههههههههههه
انا ما هيك دايما موبايلي صامت ومدري وينو؟؟؟؟

[ماهرالفيزو]

ههههههههه وانا مابحب شي اسمه موبايل بس ضروري هون

[MOSTAFA]

حلووووة
البركة في صبايا ما بيشلو الموبايل من ايدون تقول رجال الأعمال ماهيك ((بس شو بدك تعمل المعجبين بكونو كتار )))

شكرااا ابو مهرة