««صديقة الدرب»»
ربي يسعد كل أقاتكون
إن كانت صبح ولا عصر ولا مغرب ولا عشية
أنا بعشئ الشام بكل ما فيها
من أرض وسما من أهل وناس
من عادات وتقاليد
لذلك قررت إني من خلال هالموضوع
خبركون عن عادات وتقاليد أهل الشام
خاصة أيام زمان
طبعا الفكرة استوحيتا
من خلال تصفحي لأحد المواقع الي
عم تحاول تحيي جمالية
العادات والتقاليد الدمشقية
ح خبركون قصص كتيرة
وإنئلكون معي لعالم ألف ليلة وليلة من
*.*لــيــالــي الــشــام*.*
ورح إدعم الموضوع بالصور المناسبة عن دمشق القديمة
إذا عجبكون الموضوع بكمل
و إذا لاء كمان رح كملو
جكارة بالي مو عاجبو ههههههههههههه
يااااااا الله
ومع بعض ح نبلش بالليلة الأولى
بلغني أيها العضو السعيد
ذو الرأي الرشيد
أنو كانت الست أيام زمان بالشام
syriaroses-aec581d036.jpg
كانت تحب تدلل (( ابن عمها ))
لدرجة انو كانت تئوم
ع أدان الفجر مشان تفيئو
شنو ما بيصير يتأخر ع رجال الحارة
مشان يروحو يصلو الصبح حاضر
بجامع الحارة
syriaroses-b4f1c4bca0.jpg
بتجي وبتئلو بصوت ناعم
ابن عمي تاج راسي ئوم تئبرني
أدن الصبح
وبعدين بتسكت ومابتكتر حكي لأنو الأفندي
ما بيحب النئ
ولبين ما يفيئ ويتحطى ويمتطى
كانت تركد تسبئو ع البحرة
syriaroses-f1037bf858.jpg
تعبي إبريق الفضة مي
وتشكل البشكير ع كتفها
و تسكبلو المي ليتوضى
m.s._rau_antiques_artfinding_silver_water_pitcher_12211129522126120120_mini_.jpg.png
و تناولو البشكير لينشف
وهية عم تناغشو بمناغشة زغيرة وتئلو
ريتو حبي من حسو ما يحرمني
وبنص ئلبو آعدة ومتربعة يجعلني
ربي يطول عمروه وياخد مني
ويكتبلو بخطواتو السلامة لما بيبعد عني
وبعدها كانت تركض وتئرئع بالئبئآب
syriaroses-ebee57091b.jpg
مشان تلحئ تلبس ابن عمها عبايتو
وترشلو رشة مسك ئبل ما يتيسر
وبترافئو لباب الزقاق
بيئوم بينتتر فيها هديك النترة وبيئلها
لك فوتي انضبي جوة بلا ما حدا يلمحك
أو يسمع صوتك
بتئوم هية بتكركب وبتحمر وبتصفر وبتئلو
يبعتلي حمة حاضر ابن عمي
بس انت ماتزعل
بتودعو وبتبسلو ايدو
وبتركرج كرج
مشان تلحئ تصلي فرضها
وووووووووووووو .................
وطلع الصباح فسكتت رشوشة عن الكلام المباح
5_130.gif
يـــــتبع
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
مشكورة رورو كملي متابع انا اول واحد
...__وَأَن لَّيْسَ لِلْإِنسَانِ إِلَّا مَا سَعَى , وَأَنَّ سَعْيَهُ سَوْفَ يُرَى , ثُمَّ يُجْزَاهُ الْجَزَاء الْأَوْفَى__...
««صديقة الدرب»»
يعطيك العافية الهكر شكرا نورت والله فرحت بتواجدك ومتابعتك
ولسا رح يكون في احلى والموضوع كتير شيق
بتمنى اشوف ردود عشان اتشجع ازيد
يَا سُـــورْيَا لاَ تنْحَنِيِ .. .. أَنَا لاَ أُذَلُ وَلاَ أُهَــــاَنْ
خَلِّي جَبِينَكِ عَاَلِيـــــاً .. .. مَادُمْتِ صَاحِبَةُ الْمَكَانْ
للاستفسار او مساعدة راسلوني على هاد الايميل
[email protected]
تسلملي الشام واهلا وريحتا وشوارعا .. والله بحب الشام اكتر من بلادي!
شايفة كيف يارورو الشام سرقت قلبي .. دخيلااا انااا
وهي خمس نجوم للموضوع ياحلووو
انا متاااااااابعة .. ان شاء الله مايفوتني شي
137178.imgcache.jpg
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)