المنسف الحوراني من تراث درعا / المليحي

[ms.lonley]

{{{ مدينة درعا }}}
تشتهر محافظة درعا وسهل حوران بأكلة المليحي
وهي مشهورة وتحضر من اللبن المطبوخ ولحم
الغنم مع العظم أو الدجاج والبرغل والخبز العربي.

----------------------
المقادير :

1- برغل الكمية حسب الأشخاص

2- لبن مغلي أو ( كثي ) مع لبن جميد

3- ولحم خاروف او دجاج حسب الطلب

4- ملح

5- فلفل

طريقة التحضير:

نضع البرغل على نار هادئة وننتظر حتى يستوي انا بحط مع البرغل مكعبين ماجي وبخليه يطبخ على نار هادية وكل شوي بدعكو

وبعد ان يستوي نقوم بدعك البرغل حتى مرحلة الهرس(أنا أحيانا بغش بدقو دق بمدقة النحاس القطعة العلوين من الهاون)خخخخخ غشاشة ما هيك

ونقوم بطبخ اللحم على نار قوية حتى يستويطبعا مع إضافة ورق الغار والبهار والبصل

ونحط اللبن على النار وبنضل عم نحرك فيه لحتى يغلي وما بنشيل إيدنا عنو مشان ما يفرط
إزا حبيبتي إنو ما تحري اللبن وكنتي متكسلة فيكي تحطي ملعقة نشا كبيرة وتدوبيها بكاسة مي باردة وتضيفيها على اللبن وتحطي بيضة وحدة بتخفقيها كويس مع اللبن وهو بارد وبعدين بتحطيه على نار هادية وبتغطيه هيك ما بيفرط بلمرة مع التقليب الخفيف كل فترة لحتى يغلي
أما إزا في حالة وجود الكثي (الهقط) ننقعو بلمي نص نهار وبعدين بنحطو بلخلاط ونغليه علنار

ثم نضع البرغل في المنسف ونضيف عليه قطع اللحم

وبعد ذلك نقوم بسكب اللبن فوق البرغل
وعند تقديم المنسف نضيف السمن العربي فوق البرغل واللحم

صحة وعافية بالهناء والشفاء

[حسن حاضري]

مممممممممممممممممممممممم شكلو بيشهي بس مليان دسم

[الصقرالحنون]

على فكرة رغم انها بعيدة عنا كثير درعا

بس الي اصدقاء وعلى طول اطلب هل اكلة

وكثير طيبة يسلمو اختي

[السكون]

اخ يا بنت البلد

قتلتيني بهي الصور وينك يا امي

اااااااااااا