هذي طريقه محشى الكوسا باللبن,,في ناس وايدمايحبون
الكوسا بس الي بيجربها بيقول ..ماراح اكل الا الكوسا
بس طريقتها شوي يبيلها شغل ...بس والله لذيذه مرررره ...بس هاه لاتفكرون تاكلونها
من المطاعم لانها مب حلوه ..
المقادير ..
10 –15 حبه كوسا من الحجم المتوسط او الصغير , لحم مفروم ( كيس واحد ) ويفضل اذا كان في لحم مغروم طازج ,حزمه بقدونس , مقدار نصف كوب شاي صنوبر مقلي بالزيت , ملعقه شاي (بهار مخلوط ,نعناع طازج مقطع قطع صغيره ,ملح ,شويه ثوم






3 زبادي (ندى) ,

الطريقه :
نحفر الكوسة..ونتركها جانبا ..نضع على النار اللحم المفروم بدون اضافه أي زيت ..ونتركه لين يطلع منه الماي ..ويبدا يجف نحط البهار والملح ..ونحركه ونحط البقدونس المفروم ..ونقلبه على النار ونضيف له الثوم ( عشان تروح ريحه اللحم ) ..ونضيف له الصنوبر المقلي ونحشي فيه الكوسة ..
الحين...بعد حشو الكوسة ..نقليها بالزيت شوي نصف قلي بس عشان يتغير لونها شوي ونطلعها ..( انا عن نفسي ما اقليها في الزيت ..لانها تشرب زيت ..بس هذي الطريقه الاصليه )
وبعدين نحطها في جدر اخر ونضع فوقه الماء
حتى تتغطى الكوسة ..ونتركها حتى تنضج ( 20 دقيقه )
ونطلعها ..ونشخلها من الماي ..
في طبق التقديم ..نخلط الزبادي(ويصير نحط لبن) ..مع رشه ملح مع نعناع مجفف ..ونضع الكوسة فيه ونغطي الوجه بالنعناع المجفف ..
يفضل اكله مع العيش الابيض..او بدون شي ..
اكله خفيفه جدا على المعده ..
والله لذيذه ..