907111050.jpg
قصيده الام في ابنها العاق

هذه قصيدة لأم تعيش في دار المسنين تنثر كل أحزانها بصوت الأمومة لولدها الذي


رماها وتركها من أجل خاطر زوجته التي رفضت العيش مع أمه.....؟؟ وتمر ثلاث

سنوات ولم ترى فلذة كبدها ولو مرة واااحدة فكتبت هذه القصيدة ....




يا مسندي قلبي على الدوم يطريك

ما غبت عن عيني وطيفك سمايـا


هذي ثلاث سنين والعين تبكيـك

ما شفت زولك زايرآ يـا ضنايـا


تذكر حياتي يوم أشيلك وأداريـك
وألاعبك دايـم وتمشـي ورايـــــا

ترقد على صوتي و حضني يدفيك
ما غيرك أحدآ ساكنن في حشايـا

وليا مرضت أسهر بقربك وداريك
ما ذوق طعم النوم صبح و مسايا

ياما عطيتك من حناني و بعطيك
تكبر وتكبر بالأمـل يـا منايــــــا

لكن خسارة بعتني اليوم و شفيـك
وأخلصت للزوجة وأنا لي شقايـا

أنا أدري أنها قاسية مـا تخليـك
قالت عجوزك مـا أبيهـا معايـا

خليتني وسط المصحة وأنا أرجيك
هذا جزا المعروف وهذا جزايـا

يا ليتني خدااامـة بيـن أياديـك
من شأن أشوفك كل يوم برضايـا

مشكور يا وليدي وتشكر مساعيك

وأدعي لـك الله دايمـآ بالهدايـا


حمدان يا حمدان أمـك توصيـك
أخاف ما تلحق تشوف الوصايـا

أوصيت دكتور المصحة بيعطيك
رسالتي وحروفهـا مـن بكايـا

وأن مت لا تبخل علي بدعاويـك
وأطلب لي الغفران وهذا رجايـا

وأمطر ترااب القبر بدموع عينيك
ما عاد ينفعـك النـدم والنعايـا

مسكين الي مايدري ان الجنة تحت اقدام الامهات

اتمنى ان ينال اعجابكم